غنچے نے کی جو اس سے طول کلام کی بات

غنچے نے کی جو اس سے طول کلام کی بات

بلبل یہ سن کے بولی چھوٹا تو منہ بڑی بات

وہ کان خامشی ہوں گوش سماعت آگیں

سنتا ہوں سب کی اپنی کہتا نہیں کوئی بات

بلبل نہ راز دل کہہ دیوار گوش وارد

نکلی جو منہ سے باہر چھپتی نہیں کبھی بات

تعریف اس دہن کی پارینہ کی تو کیا کی

سننے سے تازگی ہو اتنی تو ہو نئی بات

خاموشی بتاں کا باعث یہ برہمن ہے

ڈر ہے کہیں نہ نکلے منہ سے بری بھلی بات

وہ مرد راست گو ہوں مثل قلم جہاں میں

گر دو بھی ہوں زبانیں نکلے نہ دوسری بات

مر بھی گئے برہمن باتوں کی حسرتوں میں

بولے صنم نہ منہ سے کہنے کو رہ گئی بات

اے شادؔ خیریت ہو بلبل کے مشت پر کی

باد صبا بھی آئی سن کر اوڑی پڑی بات