hakim-e-dil ban gai hain ye theatre waliyan

hākim-e-dil ban ga.ī haiñ ye theatre vāliyāñ

maiñ lagā.ūñgā gul-e-dāġh-e-jigar kī Dāliyāñ

zabt ke jaame ke baḳhiya TūTte haiñ dosto

haa.e ye beleñ kashīde aur aisī jāliyāñ

huur mustaqbil parī maazī magar ye haal haiñ

dī-o-fardā kyā karūñ pā.ūñ jo ye ḳhush-hāliyāñ

āsmāñ se kyā ġharaz jab hai zamīñ par ye chamak

māh-o-anjum se haiñ baḌh kar un ke bunde bāliyāñ

fool vo kahtī haiñ mujh ko maiñ unheñ samjhā huuñ phuul

haiñ gul-e-rangīñ se behtar un guloñ kī gāliyāñ

hakim-e-dil ban gai hain ye theatre waliyan

main lagaunga gul-e-dagh-e-jigar ki Daliyan

zabt ke jame ke baKHiya TuTte hain dosto

hae ye belen kashide aur aisi jaliyan

hur mustaqbil pari mazi magar ye haal hain

di-o-farda kya karun paun jo ye KHush-haaliyan

aasman se kya gharaz jab hai zamin par ye chamak

mah-o-anjum se hain baDh kar un ke bunde baaliyan

fool wo kahti hain mujh ko main unhen samjha hun phul

hain gul-e-rangin se behtar un gulon ki galiyan