hathon ko uTha jaan se aaKHir ko rahunga

hāthoñ ko uThā jaan se āḳhir ko rahūñgā

par dil hai rafīq is ko kabhī tujh ko na dūñgā

be-bosa-e-lab ke to kabhī maiñ na Talūñgā

go gāliyāñ tū degā to ban jā.ūñgā gūñgā

gar vasl kī Thahregī na tujh se to marūñgā

par bār-e-judā.ī kī musībat na sahūñgā

maiñ ġhair ko kab paas tire baiThne dūñgā

gar vo nahīñ uThne kā to lā-haul paḌhūñgā

hathon ko uTha jaan se aaKHir ko rahunga

par dil hai rafiq is ko kabhi tujh ko na dunga

be-bosa-e-lab ke to kabhi main na Talunga

go galiyan tu dega to ban jaunga gunga

gar wasl ki Thahregi na tujh se to marunga

par bar-e-judai ki musibat na sahunga

main ghair ko kab pas tere baiThne dunga

gar wo nahin uThne ka to la-haul paDhunga