hum na chhoDenge mohabbat teri ai zulf-e-siyah
hum na chhoDenge mohabbat teri ai zulf-e-siyah
Lala Madhav Ram Jauhar
MORE BYLala Madhav Ram Jauhar
ham na chhoḌeñge mohabbat tirī ai zulf-e-siyāh
sar chaḌhāyā hai tū kyā dil se girā.eñ tujh ko
chhoḌ kar ham ko milā sham.a-ruḳhoñ se jā kar
isī qābil hai tū ai dil ki jalā.eñ tujh ko
dard-e-dil kahte hue bazm meñ aatā hai hijāb
taḳhliya ho to kuchh ahvāl sunā.eñ tujh ko
apne ma.ashūq kī suntā hai burā.ī koī
kyuuñ na ham bigḌeñ jo aġhyār banā.eñ tujh ko
rūThtā huuñ jo kabhī maiñ to ye kahtā hai vo shoḳh
kyā ġharaz ham ko paḌī hai jo manā.eñ tujh ko
tū ne aġhyār se ā.īna mañgā kar dekhā
dil meñ aatā hai ki ab muñh na dikhā.eñ tujh ko
hum na chhoDenge mohabbat teri ai zulf-e-siyah
sar chaDhaya hai tu kya dil se giraen tujh ko
chhoD kar hum ko mila shama-ruKHon se ja kar
isi qabil hai tu ai dil ki jalaen tujh ko
dard-e-dil kahte hue bazm mein aata hai hijab
taKHliya ho to kuchh ahwal sunaen tujh ko
apne mashuq ki sunta hai burai koi
kyun na hum bigDen jo aghyar banaen tujh ko
ruThta hun jo kabhi main to ye kahta hai wo shoKH
kya gharaz hum ko paDi hai jo manaen tujh ko
tu ne aghyar se aaina manga kar dekha
dil mein aata hai ki ab munh na dikhaen tujh ko
Source:
Intekhab Kalam Lala M.R Jauhar (Pg. 48)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
