hamein ghazlen to aati hain tarane par nahin aate

hameñ ġhazleñ to aatī haiñ tarāne par nahīñ aate

haiñ qisse to bahut ham par sunāne par nahīñ aate

isī Dar se haiñ milte har kisī se fāsloñ se ham

banā sakte haiñ ham rishte nibhāne par nahīñ aate

fidā har ek insāñ hai mirī bas ek muskāñ par

mire mahbūb hī mujh ko lubhāne par nahīñ aate

haqīqat kī to 'ādat hai hamesha hī rulāne kī

hameñ to ḳhvāb bhī jhūTe hañsāne par nahīñ aate

bhulā baiThā jinheñ hai vaqt bhī ab vaqt ke chalte

'parastish' aaj bhī tum ko bhulāne par nahīñ aate

hamein ghazlen to aati hain tarane par nahin aate

hain qisse to bahut hum par sunane par nahin aate

isi Dar se hain milte har kisi se faslon se hum

bana sakte hain hum rishte nibhane par nahin aate

fida har ek insan hai meri bas ek muskan par

mere mahbub hi mujh ko lubhane par nahin aate

haqiqat ki to 'adat hai hamesha hi rulane ki

hamein to KHwab bhi jhuTe hansane par nahin aate

bhula baiTha jinhen hai waqt bhi ab waqt ke chalte

'parastish' aaj bhi tum ko bhulane par nahin aate