aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dard kuchh kam na hua apna dawa khane se

Masroor Shahjahanpuri

dard kuchh kam na hua apna dawa khane se

Masroor Shahjahanpuri

MORE BYMasroor Shahjahanpuri

    dard kuchh kam na huā apnā davā khāne se

    e.atibār uTh gayā hamdard davā-ḳhāne se

    vo kachahrī se bulāte haiñ kabhī thāne se

    ham bhī vo DhiiT haiñ haḌke nahīñ haḌkāne se

    is buḌhāpe meñ lagāyā hai unhoñ ne surmā

    baaz aate nahīñ vo ab bhī sitam Dhāne se

    un ke abbā ko raqīboñ ne bahut bhaḌkāyā

    vo to achchhā huā bhaḌke nahīñ bhaḌkāne se

    na uThā paa.e vo maTkā to unhoñ ne ham ko

    kabhī āñkhoñ se pilā.ī kabhī paimāne se

    vo na jaage ki zarā jāgtī taqdīr mirī

    aur sab jaag uThe khaaT ke sarkāne se

    merī luknat ne mujhe vasl se rakkhā mahrūm

    baat ban ban ke bigaḌtī rahī haklāne se

    machchharoñ ne bhī raqīboñ tarah ḳhuun piyā

    ham shab-e-vasl na fāriġh hue khujlāne se

    ye na aadat hai hamārī na ye fitrat vaise

    uzr 'masrūr' ko hargiz nahīñ nazrāne se

    dard kuchh kam na hua apna dawa khane se

    eatibar uTh gaya hamdard dawa-KHane se

    wo kachahri se bulate hain kabhi thane se

    hum bhi wo DhiT hain haDke nahin haDkane se

    is buDhape mein lagaya hai unhon ne surma

    baz aate nahin wo ab bhi sitam Dhane se

    un ke abba ko raqibon ne bahut bhaDkaya

    wo to achchha hua bhaDke nahin bhaDkane se

    na uTha pae wo maTka to unhon ne hum ko

    kabhi aankhon se pilai kabhi paimane se

    wo na jage ki zara jagti taqdir meri

    aur sab jag uThe khaT ke sarkane se

    meri luknat ne mujhe wasl se rakkha mahrum

    baat ban ban ke bigaDti rahi haklane se

    machchharon ne bhi raqibon ki tarah KHun piya

    hum shab-e-wasl na farigh hue khujlane se

    ye na aadat hai hamari na ye fitrat waise

    uzr 'masrur' ko hargiz nahin nazrane se

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now