wo shaKHs jis ke pas koi mal-o-zar nahin

vo shaḳhs jis ke paas koī māl-o-zar nahīñ

vo ḳhush-nasīb hai use apnoñ kā Dar nahīñ

āshiq huuñ un pe un kī vilādat ke vaqt se

aur vo ye kah rahe haiñ mujhe kuchh ḳhabar nahīñ

vo fikrmand haiñ ki mujhe jail bhej deñ

un ko bhī hai patā mire rahne ko ghar nahīñ

ushshāq mubtalā haiñ election meñ in dinoñ

mahbūb kī galī meñ koī shor-o-shar nahīñ

sunte haiñ chhat se gir ke vo majrūh ho ga.e

kahtā hai kaun merī duā meñ asar nahīñ

apne tiffin ko saath hī rakhnā mufīd hai

'masrūr' is jahāñ meñ koī mo'atabar nahīñ

wo shaKHs jis ke pas koi mal-o-zar nahin

wo KHush-nasib hai use apnon ka Dar nahin

aashiq hun un pe un ki wiladat ke waqt se

aur wo ye kah rahe hain mujhe kuchh KHabar nahin

wo fikrmand hain ki mujhe jail bhej den

un ko bhi hai pata mere rahne ko ghar nahin

ushshaq mubtala hain election mein in dinon

mahbub ki gali mein koi shor-o-shar nahin

sunte hain chhat se gir ke wo majruh ho gae

kahta hai kaun meri dua mein asar nahin

apne tiffin ko sath hi rakhna mufid hai

'masrur' is jahan mein koi mo'atabar nahin