huquq jab yaad aae apne

huqūq jab yaad aa.e apne

ġhulām par muskurā.e apne

bahut janāze the rāste meñ

qadam bhī ham gin na paa.e apne

vo kaun sī rāz-dāriyāñ thiiñ

ki saa.e bāhar biThā.e apne

havā ne āñdhī kī shakl le kar

tamām qaidī chhuḌā.e apne

ik aur din kī hai aamad aamad

ḳhudā ne mohre sajā.e apne

khaḌe haiñ lāshoñ ke darmiyāñ ham

imām-zāmin bañdhā.e apne

kiyā hī kyā aur zindagī bhar

badan ke naḳhre uThā.e apne

kisī kā dushman nahīñ thā dariyā

bhañvar to ham saath laa.e apne

yahī to mahfil bigāḌte haiñ

jo haiñ yahāñ bin-bulā.e apne

huquq jab yaad aae apne

ghulam par muskurae apne

bahut janaze the raste mein

qadam bhi hum gin na pae apne

wo kaun si raaz-dariyan thin

ki sae bahar biThae apne

hawa ne aandhi ki shakl le kar

tamam qaidi chhuDae apne

ek aur din ki hai aamad aamad

KHuda ne mohre sajae apne

khaDe hain lashon ke darmiyan hum

imam-zamin bandhae apne

kiya hi kya aur zindagi bhar

badan ke naKHre uThae apne

kisi ka dushman nahin tha dariya

bhanwar to hum sath lae apne

yahi to mahfil bigaDte hain

jo hain yahan bin-bulae apne