husn ki lai hui ek bhi aafat na gai
husn kī laa.ī huī ek bhī aafat na ga.ī
dil kī dhaḌkan na ga.ī dard kī shiddat na ga.ī
saaya tak bhaag gayā dekh ke vahshat ghar kī
kyā balā hai ki ilāhī shab-e-furqat na ga.ī
husn-e-dilkash ise kahte haiñ ki ham saarī umr
un ko dekhā kiye dīdār kī hasrat na ga.ī
ab bhī is rāhguzar meñ hai jahāñ thī pahle
sach to ye hai na kahīñ aa.ī qayāmat na ga.ī
maiñ zamāne meñ huuñ ā.īna-e-tasvīr 'jalīl'
ki tasavvur se kabhī yaar kī sūrat na ga.ī
husn ki lai hui ek bhi aafat na gai
dil ki dhaDkan na gai dard ki shiddat na gai
saya tak bhag gaya dekh ke wahshat ghar ki
kya bala hai ki ilahi shab-e-furqat na gai
husn-e-dilkash ise kahte hain ki hum sari umr
un ko dekha kiye didar ki hasrat na gai
ab bhi is rahguzar mein hai jahan thi pahle
sach to ye hai na kahin aai qayamat na gai
main zamane mein hun aaina-e-taswir 'jalil'
ki tasawwur se kabhi yar ki surat na gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
