aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zaKHmon ke nae phul khilane ke liye aa

Kaleem Aajiz

zaKHmon ke nae phul khilane ke liye aa

Kaleem Aajiz

MORE BYKaleem Aajiz

    zaḳhmoñ ke na.e phuul khilāne ke liye aa

    phir mausam-e-gul yaad dilāne ke liye aa

    mastī liye āñkhoñ meñ bikhere hue zulfeñ

    aa phir mujhe dīvāna banāne ke liye aa

    ab lutf isī meñ hai mazā hai to isī meñ

    aa ai mire mahbūb satāne ke liye aa

    aa rakh dahan-e-zaḳhm pe phir uñgliyāñ apnī

    dil bāñsurī terī hai bajāne ke liye aa

    haañ kuchh bhī to derīna mohabbat bharam rakh

    dil se na aa duniyā ko dikhāne ke liye aa

    maanā ki mire ghar se adāvat tujhe hai

    rahne ko na aa aag lagāne ke liye aa

    pyāre tirī sūrat se bhī achchhī hai jo tasvīr

    maiñ ne tujhe rakkhī hai dikhāne ke liye, aa

    āshufta kahe hai koī dīvāna kahe hai

    maiñ kaun huuñ duniyā ko batāne ke liye aa

    kuchh roz se ham shahr meñ rusvā na hue haiñ

    aa phir koī ilzām lagāne ke liye aa

    ab ke jo vo aa jaa.e to 'ājiz' use le kar

    mahfil meñ ġhazal apnī sunāne ke liye aa

    zaKHmon ke nae phul khilane ke liye aa

    phir mausam-e-gul yaad dilane ke liye aa

    masti liye aankhon mein bikhere hue zulfen

    aa phir mujhe diwana banane ke liye aa

    ab lutf isi mein hai maza hai to isi mein

    aa ai mere mahbub satane ke liye aa

    aa rakh dahan-e-zaKHm pe phir ungliyan apni

    dil bansuri teri hai bajaane ke liye aa

    han kuchh bhi to derina mohabbat ka bharam rakh

    dil se na aa duniya ko dikhane ke liye aa

    mana ki mere ghar se adawat hi tujhe hai

    rahne ko na aa aag lagane ke liye aa

    pyare teri surat se bhi achchhi hai jo taswir

    main ne tujhe rakkhi hai dikhane ke liye, aa

    aashufta kahe hai koi diwana kahe hai

    main kaun hun duniya ko batane ke liye aa

    kuchh roz se hum shahr mein ruswa na hue hain

    aa phir koi ilzam lagane ke liye aa

    ab ke jo wo aa jae to 'ajiz' use le kar

    mahfil mein ghazal apni sunane ke liye aa

    Source:

    Jab Fasl-e-baharn aai thi (Pg. 279)

    • Author: padm Shri Dr. Kaleem Ahmed Aajiz
      • Edition: 1990
      • Publisher: Sunrise Plastic Works, Patna
      • Year of Publication: 1990

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now