امتیاز غم و خوشی نہ رہا
کوئی احساس زندگی نہ رہا
ہم نے اے دل تجھے بھی دیکھ لیا
اب ترا اعتبار بھی نہ رہا
ان سے کہتے خرد کا افسانہ
کیا کہیں ہم کو ہوش ہی نہ رہا
جستجو میں تری طلب میں تری
مجھ کو تیرا خیال بھی نہ رہا
خود سے رہتا ہوں بے خبر لیکن
آپ سے بے خبر کبھی نہ رہا
آپ کے بعد زندگی تو رہی
ہاں مگر لطف زندگی نہ رہا
اب تو آ جا کہ تیرے نشترؔ کو
اب ترا انتظار بھی نہ رہا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
