aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aisa wo be-shumar-o-qatar intizar tha

Zafar Iqbal

aisa wo be-shumar-o-qatar intizar tha

Zafar Iqbal

MORE BYZafar Iqbal

    aisā vo be-shumār-o-qatār intizār thā

    pahlī baar dūsrī baar intizār thā

    ḳhāmoshī-e-ḳhizāñ thī chaman-dar-chaman tamām

    shāḳh-o-shajar meñ shor-e-bahār intizār thā

    dekhā to ḳhalvat-e-ḳhas-o-ḳhāshāk ḳhvāb meñ

    raushan koī charāġh-e-sharār intizār thā

    bāhar bhī gard umiid uḌtī thī duur duur

    andar bhī chāroñ-samt ġhubār intizār thā

    phaile hue vo ghaas ke taḳhte na the vahāñ

    dar-asl ek silsila-vār intizār thā

    koī ḳhabar thī āmad-o-imkān-e-sub.h

    aur us ke ird-gird hisār intizār thā

    kis ke gumān meñ the na.e mausamoñ ke rañg

    kis mire sivā sarokār intizār thā

    umDā huā hujūm-e-tamāshā thā dā.eñ-bā.eñ

    tanhā thiiñ āñkheñ aur hazār intizār thā

    chakkar the paañv meñ koī shām-o-sahar 'zafar'

    uupar se mere sar pe savār intizār thā

    aisa wo be-shumar-o-qatar intizar tha

    pahli hi bar dusri bar intizar tha

    KHamoshi-e-KHizan thi chaman-dar-chaman tamam

    shaKH-o-shajar mein shor-e-bahaar intizar tha

    dekha to KHalwat-e-KHas-o-KHashak KHwab mein

    raushan koi charagh-e-sharar intizar tha

    bahar bhi gard umid ki uDti thi dur dur

    andar bhi chaaron-samt ghubar intizar tha

    phaile hue wo ghas ke taKHte na the wahan

    dar-asl ek silsila-war intizar tha

    koi KHabar thi aamad-o-imkan-e-subh ki

    aur us ke ird-gird hisar intizar tha

    kis ke guman mein the nae mausamon ke rang

    kis ka mere siwa sarokar intizar tha

    umDa hua hujum-e-tamasha tha daen-baen

    tanha thin aankhen aur hazar intizar tha

    chakkar the panw mein koi sham-o-sahar 'zafar'

    upar se mere sar pe sawar intizar tha

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now