is jazire ki kya hawa hai dost

is jazīre kī kyā havā hai dost

ik musāfir kī iltijā hai dost

paas rah kar bhī mil nahīñ sakte

ye aziyyat kī intihā hai dost

maiñ añdheroñ se laḌne vaalā huuñ

ye charāġhoñ kā mas.ala hai dost

jo tujhe dekhne ko aa.e the

koī zinda nahīñ rahā hai dost

koī qīmat nahīñ rahī merī

ye jo dariyā hai bah chukā hai dost

tū bhī ik din bichhaḌ hī jā.egā

kaun qismat se laḌ sakā hai dost

ab sabhī raaz munkashif hoñge

ye haqīqat kā aa.ina hai dost

merī sāñsoñ se ḳhuun ristā hai

is aziyyat kā naam kyā hai dost

is jazire ki kya hawa hai dost

ek musafir ki iltija hai dost

pas rah kar bhi mil nahin sakte

ye aziyyat ki intiha hai dost

main andheron se laDne wala hun

ye charaghon ka masala hai dost

jo tujhe dekhne ko aae the

koi zinda nahin raha hai dost

koi qimat nahin rahi meri

ye jo dariya hai bah chuka hai dost

tu bhi ek din bichhaD hi jaega

kaun qismat se laD saka hai dost

ab sabhi raaz munkashif honge

ye haqiqat ka aaina hai dost

meri sanson se KHun rista hai

is aziyyat ka nam kya hai dost