isbaat mein bhi hai mera inkar har taraf

isbāt meñ bhī hai mirā inkār har taraf

maiñ kar rahā huuñ apnī hī takrār har taraf

kyā husn bik rahā hai havas kī dukān meñ

kyā ho rahī hai garmī-e-bāzār har taraf

yuuñ thā ki ik ḳhayāl-e-numū pā nahīñ sakā

uljhā paḌā hai matla'-e-iz.hār har taraf

jā.ūñ kahāñ maiñ ḳhāna-e-tanhā.ī se ki haiñ

ghere hue mujhe dar-o-dīvār har taraf

uTThī huī haiñ mujh meñ vo ātish-fishāniyāñ

sulge hue haiñ sābit-o-sayyār har taraf

isbaat mein bhi hai mera inkar har taraf

main kar raha hun apni hi takrar har taraf

kya husn bik raha hai hawas ki dukan mein

kya ho rahi hai garmi-e-bazar har taraf

yun tha ki ek KHayal-e-numu pa nahin saka

uljha paDa hai matla'-e-izhaar har taraf

jaun kahan main KHana-e-tanhai se ki hain

ghere hue mujhe dar-o-diwar har taraf

uTThi hui hain mujh mein wo aatish-fishaniyan

sulge hue hain sabit-o-sayyar har taraf