itna apna ho jata hun

itnā apnā ho jaatā huuñ

chādar takiya ho jaatā huuñ

tujh ko kamāne ke chakkar meñ

terā ḳhasāra ho jaatā huuñ

bāzāroñ kī chamak-damak meñ

aur purānā ho jaatā huuñ

jis kī piiTh ho merī jānib

us kā saaya ho jaatā huuñ

khone tak to Thiik hai lekin

DhūñDhne vaalā ho jaatā huuñ

sach kī shakl badal jaatī hai

aur maiñ jhūTā ho jaatā huuñ

ḳhud hī tamāsha karte karte

mahv-e-tamāshā ho jaatā huuñ

lagtā ye hai mar jā.uñgā

lekin achchhā ho jaatā huuñ

itna apna ho jata hun

chadar takiya ho jata hun

tujh ko kamane ke chakkar mein

tera KHasara ho jata hun

bazaron ki chamak-damak mein

aur purana ho jata hun

jis ki piTh ho meri jaanib

us ka saya ho jata hun

khone tak to Thik hai lekin

DhunDhne wala ho jata hun

sach ki shakl badal jati hai

aur main jhuTa ho jata hun

KHud hi tamasha karte karte

mahw-e-tamasha ho jata hun

lagta ye hai mar jaunga

lekin achchha ho jata hun