aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

itne aansu to na the dida-e-tar ke aage

Meer Hasan

itne aansu to na the dida-e-tar ke aage

Meer Hasan

MORE BYMeer Hasan

    itne aañsū to na the dīda-e-tar ke aage

    ab to paanī bharā rahtā hai ghar ke aage

    dam-ba-dam mujh ko tasavvur hai usī dilbar

    raat din phirtā hai merī vo nazar ke aage

    haiñ ye ai jaan mire dil se mujhe apne aziiz

    tere dāġhoñ ko maiñ rakhtā huuñ jigar ke aage

    garmī apnī ko farāmosh kareñ mahr-vishāñ

    sard ho jaa.eñ sab us rashk-e-qamar ke aage

    bād-e-tundī se miyāñ terī mujhe hairat hai

    kyūñki rakhtā hai tapāñchoñ ko kamar ke aage

    tere dāñtoñ se maiñ tashbīh na duuñ gauhar ko

    puut ko qadr nahīñ silk-e-guhar ke aage

    zor se kaam nikaltā nahīñ be zar ke diye

    zar bhī harba hai tirā ek bashar ke aage

    zar agar barsar-e-faulād nahīñ narm shuad

    zor zor dharā rahtā hai zar ke aage

    kis ko kahtā hai miyāñ yaañ se sarak yaañ se sarak

    koī baiThā nahīñ aa kar tire dar ke aage

    ye to majlis hai jahāñ baiTh ga.e baiTh ga.e

    kyuuñ jagah badle koī kaahe ko sarke aage

    ab kahāñ jaa.e 'hasan' hāthoñ se tere zālim

    rakh liyā ne use teġh-o-sipar ke aage

    itne aansu to na the dida-e-tar ke aage

    ab to pani hi bhara rahta hai ghar ke aage

    dam-ba-dam mujh ko tasawwur hai usi dilbar ka

    raat din phirta hai meri wo nazar ke aage

    hain ye ai jaan mere dil se mujhe apne aziz

    tere daghon ko main rakhta hun jigar ke aage

    garmi apni ko faramosh karen mahr-wishan

    sard ho jaen sab us rashk-e-qamar ke aage

    baad-e-tundi se miyan teri mujhe hairat hai

    kyunki rakhta hai tapanchon ko kamar ke aage

    tere danton se main tashbih na dun gauhar ko

    put ko qadr nahin silk-e-guhar ke aage

    zor se kaam nikalta nahin be zar ke diye

    zar bhi harba hai tera ek bashar ke aage

    zar agar barsar-e-faulad nahin narm shuad

    zor ka zor dhara rahta hai zar ke aage

    kis ko kahta hai miyan yan se sarak yan se sarak

    koi baiTha nahin aa kar tere dar ke aage

    ye to majlis hai jahan baiTh gae baiTh gae

    kyun jagah badle koi kahe ko sarke aage

    ab kahan jae 'hasan' hathon se tere zalim

    rakh liya tu ne use tegh-o-sipar ke aage

    Source:

    Deewan-e-Meer Hasan (Pg. 110)

    • Author: Meer Hasan
      • Edition: 1912
      • Publisher: Munshi Nawal Kishor, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now