jaise koi rota hai gale pyar se lag kar

Aziz Ejaz

jaise koi rota hai gale pyar se lag kar

Aziz Ejaz

MORE BYAziz Ejaz

    jaise koī rotā hai gale pyaar se lag kar

    kal raat maiñ royā tirī dīvār se lag kar

    har ek ke chehre pe hai tashvīsh numāyāñ

    baiThe haiñ masīhā tire bīmār se lag kar

    phūloñ mohabbat ne sabaq mujh ko sikhāyā

    zaḳhmī jo hue haath mire ḳhaar se lag kar

    ġhammāzi-e-ḳhushbū pe khulā raaz chaman meñ

    guzrī hai sabā gesū-e-dildār se lag kar

    jab jab dil-e-vahshī ko tire ġham ne satāyā

    ham baiTh ga.e zānū-e-ġhamḳhvār se lag kar

    samjhā use phūloñ navāzish dil-e-sāda

    jo zaḳhm lagā nok-e-sar-e-ḳhār se lag kar

    'ejāz' koī shauq nahīñ sair-e-jahāñ

    ārām se baiThe haiñ dar-e-yār se lag kar

    jaise koi rota hai gale pyar se lag kar

    kal raat main roya teri diwar se lag kar

    har ek ke chehre pe hai tashwish numayan

    baiThe hain masiha tere bimar se lag kar

    phulon ki mohabbat ne sabaq mujh ko sikhaya

    zaKHmi jo hue hath mere KHar se lag kar

    ghammazi-e-KHushbu pe khula raaz chaman mein

    guzri hai saba gesu-e-dildar se lag kar

    jab jab dil-e-wahshi ko tere gham ne sataya

    hum baiTh gae zanu-e-ghamKHwar se lag kar

    samjha use phulon ki nawazish dil-e-sada

    jo zaKHm laga nok-e-sar-e-KHar se lag kar

    'ejaz' koi shauq nahin sair-e-jahan ka

    aaram se baiThe hain dar-e-yar se lag kar

    Source :
    • Book : Ghazal Calendar-2015 (Pg. 18.09.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now