kaba mein ja raha to na do tana kya kahen

kā'ba meñ jā rahā to na do tā'na kyā kaheñ

bhūlā huuñ haqq-e-sohbat-e-ahl-e-kunisht ko

tā'at meñ tā rahe na mai-o-añgbīñ kī laag

dozaḳh meñ Daal do koī le kar bahisht ko

huuñ munharif na kyuuñ rah-o-rasm-e-savāb se

TeḌhā lagā hai qat qalam-e-sarnavisht ko

'ġhālib' kuchh apnī sa'ī se lahnā nahīñ mujhe

ḳhirman jale agar na malaḳh khaa.e kisht ko

aa.ī agar balā to jagah se Tale nahīñ

iirā hī de ke ham ne bachāyā hai kisht ko

ka'ba mein ja raha to na do ta'na kya kahen

bhula hun haqq-e-sohbat-e-ahl-e-kunisht ko

ta'at mein ta rahe na mai-o-angbin ki lag

dozaKH mein Dal do koi le kar bahisht ko

hun munharif na kyun rah-o-rasm-e-sawab se

TeDha laga hai qat qalam-e-sarnawisht ko

'ghaalib' kuchh apni sa'i se lahna nahin mujhe

KHirman jale agar na malaKH khae kisht ko

aai agar bala to jagah se Tale nahin

ira hi de ke hum ne bachaya hai kisht ko