کبھی تم سے جب بھی ملاقات ہوگی

کبھی تم سے جب بھی ملاقات ہوگی

بڑے پیار سے پیار کی بات ہوگی

تمہارے حوالے مری زندگی ہے

بڑی اس سے کیا اور سوغات ہوگی

نظر کب تلک آپ اس پر رکھیں گے

مچل جائے گا چاند جب رات ہوگی

ملاؤ نہ نظریں بکھیرو نہ زلفیں

بہک جائے گا دل جو برسات ہوگی

زمیں جب تلک ہے یقیں تب تلک ہے

کسی روز تم سے ملاقات ہوگی

نہیں ہار ہوگی کبھی ہار کر بھی

ترے ہاتھ میری اگر مات ہوگی

ملے گا وراثت میں جو کچھ بھی تجھ کو

وہ دولت نہیں یار خیرات ہوگی