کلیوں پہ شباب آئے پھولوں پہ نکھار آئے

کلیوں پہ شباب آئے پھولوں پہ نکھار آئے

اک آپ کے آنے سے گلشن میں بہار آئے

یہ کیسی عداوت ہے یہ کیسی محبت ہے

تم سے ہی گلے شکوے اور تم پہ ہی پیار آئے

آنے کی خبر دے کر آئے نہ ابھی تک وہ

آ جائیں تو شاید پھر اس دل کو قرار آئے

محفل میں رقیبوں کی وہ جاتے ہیں خوش ہو کر

کہتے ہیں محبت کا ہم قرض اتار آئے

اس دست مبارک سے تسکین نہیں ہوتی

آنکھوں سے پلا ساقی تب جا کے خمار آئے

گلشن کو لہو دے کر سینچا ہے ثمرؔ میں نے

لیکن مرے حصے میں بس خار ہی خار آئے