karun kya gham ki duniya se mila kya

karūñ kyā ġham ki duniyā se milā kyā

kisī ko kyā milā duniyā meñ thā kyā

ye donoñ mas.ale haiñ saḳht mushkil

na pūchho tum ki maiñ kyā aur ḳhudā kyā

rahā marne kī tayyārī meñ masrūf

mirā kaam aur is duniyā meñ thā kyā

vahī sadma rahā furqat kā dil par

bahut ro.e magar is se huā kyā

tumhāre hukm ke tābe’ haiñ ham sab

tumhīñ samjho burā kyā aur bhalā kyā

ilāhī 'akbar'-e-bekas kī ho ḳhair

ye charche ho rahe haiñ jā-ba-jā kyā

karun kya gham ki duniya se mila kya

kisi ko kya mila duniya mein tha kya

ye donon masale hain saKHt mushkil

na puchho tum ki main kya aur KHuda kya

raha marne ki tayyari mein masruf

mera kaam aur is duniya mein tha kya

wahi sadma raha furqat ka dil par

bahut roe magar is se hua kya

tumhaare hukm ke tabe’ hain hum sab

tumhin samjho bura kya aur bhala kya

ilahi 'akbar'-e-bekas ki ho KHair

ye charche ho rahe hain ja-ba-ja kya