KHud apni aanch se ek shaKHs jal gaya mujh mein
ḳhud apnī aañch se ik shaḳhs jal gayā mujh meñ
ye maiñ nahīñ huuñ to phir kaun Dhal gayā mujh meñ
ye kis ne chhed ke rakh dī mirī anā kī sipar
ye kaun tiir kī mānind chal gayā mujh meñ
phir us kī yaad meñ dil be-qarār rahne lagā
phir ek baar ye patthar pighal gayā mujh meñ
ye aa.ine meñ mire aks ke sivā kyā thā
ki ek shaḳhs achānak dahal gayā mujh meñ
kuchh aise habs bhare roz-o-shab mile mujh ko
ki ek paa.e kā fankār gal gayā mujh meñ
kisī taraf se sahārā milā na jab koī
to ek Doltā insāñ sambhal gayā mujh meñ
dhanak ke rañg bhalā kaun chhū sakā 'zāmin'
ye aaj kyuuñ mirā bachpan machal gayā mujh meñ
KHud apni aanch se ek shaKHs jal gaya mujh mein
ye main nahin hun to phir kaun Dhal gaya mujh mein
ye kis ne chhed ke rakh di meri ana ki sipar
ye kaun tir ki manind chal gaya mujh mein
phir us ki yaad mein dil be-qarar rahne laga
phir ek bar ye patthar pighal gaya mujh mein
ye aaine mein mere aks ke siwa kya tha
ki ek shaKHs achanak dahal gaya mujh mein
kuchh aise habs bhare roz-o-shab mile mujh ko
ki ek pae ka fankar gal gaya mujh mein
kisi taraf se sahaara mila na jab koi
to ek Dolta insan sambhal gaya mujh mein
dhanak ke rang bhala kaun chhu saka 'zamin'
ye aaj kyun mera bachpan machal gaya mujh mein
- Book : Pakistani Adab (Pg. 556)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
