KHushi ki baat hai ya dukh ka manzar dekh sakti hun

ḳhushī kī baat hai yā dukh kā manzar dekh saktī huuñ

tirī āvāz kā chehra maiñ chhū kar dekh saktī huuñ

abhī tere laboñ pe zikr-e-fasl-e-gul nahīñ aayā

magar ik phuul khilte apne andar dekh saktī huuñ

mujhe terī mohabbat ne ajab ik raushnī baḳhshī

maiñ is duniyā ko ab pahle se behtar dekh saktī huuñ

kināra DhūñDne kī chaah tak mujh meñ nahīñ hogī

maiñ apne ghar meñ ik aisā samundar dekh saktī huuñ

visāl-o-hijr ab yaksāñ haiñ vo manzil hai chāhat meñ

maiñ āñkheñ band kar ke tujh ko aksar dekh saktī huuñ

abhī tere sivā duniyā bhī hai maujūd is dil meñ

maiñ ḳhud ko kis tarah tere barābar dekh saktī huuñ

KHushi ki baat hai ya dukh ka manzar dekh sakti hun

teri aawaz ka chehra main chhu kar dekh sakti hun

abhi tere labon pe zikr-e-fasl-e-gul nahin aaya

magar ek phul khilte apne andar dekh sakti hun

mujhe teri mohabbat ne ajab ek raushni baKHshi

main is duniya ko ab pahle se behtar dekh sakti hun

kinara DhunDne ki chah tak mujh mein nahin hogi

main apne ghar mein ek aisa samundar dekh sakti hun

visal-o-hijr ab yaksan hain wo manzil hai chahat mein

main aankhen band kar ke tujh ko aksar dekh sakti hun

abhi tere siwa duniya bhi hai maujud is dil mein

main KHud ko kis tarah tere barabar dekh sakti hun