kisi ne na jab dekha-bhaala mujhe

kisī ne na jab dekhā-bhālā mujhe

merī Thokaroñ ne sañbhālā mujhe

koī ġhaur se dekhtā hī nahīñ

bahut chubh rahā hai ujālā mujhe

na.e zā.iqoñ kā parastār huuñ

banā le na duniyā nivāla mujhe

girāyā thā tū ne nazar se jahāñ

vahīñ pe paḌā huuñ uThā lā mujhe

akelā milūñgā kisī dasht meñ

koī naam le kar bulā lā mujhe

khanak chābiyoñ kī sunāte haiñ log

dikhā kar tire ghar kā taalā mujhe

mire pīchhe-pīchhe jo chaltī rahī

usī bhiiḌ ne maar Daalā mujhe

faqat haath phailā ke merī taraf

mirī god meñ us ne paalā mujhe

kisi ne na jab dekha-bhaala mujhe

meri Thokaron ne sanbhaala mujhe

koi ghaur se dekhta hi nahin

bahut chubh raha hai ujala mujhe

nae zaiqon ka parastar hun

bana le na duniya niwala mujhe

giraya tha tu ne nazar se jahan

wahin pe paDa hun uTha la mujhe

akela milunga kisi dasht mein

koi nam le kar bula la mujhe

khanak chabiyon ki sunate hain log

dikha kar tere ghar ka tala mujhe

mere pichhe-pichhe jo chalti rahi

usi bhiD ne mar Dala mujhe

faqat hath phaila ke meri taraf

meri god mein us ne pala mujhe