koi jahan mein na yarab ho mubtala-e-firaq

koī jahāñ meñ na yārab ho mubtalā-e-firāq

kisī kī jaan kī dushman na ho balā-e-firāq

hazār tarah ke sadme ise gavārā haiñ

magar uThā nahīñ saktā hai dil jā-e-firāq

laboñ pe jaan hai ab sadma-hā-e-dūrī se

ḳhabar visāl kī detī hai ibtidā-e-firāq

zabān band hai ye josh-e-ġham kā aalam hai

bayān ho nahīñ saktā hai mājrā-e-firāq

kareñ jo zabt kalejā sarāhiye un kā

ki āsmāñ ko bulāte haiñ nāla-hā-e-firāq

judā 'hafīz' huā kaun tere pahlū se

laboñ par āTh-pahr hai jo haa.e haa.e firāq

koi jahan mein na yarab ho mubtala-e-firaq

kisi ki jaan ki dushman na ho bala-e-firaq

hazar tarah ke sadme ise gawara hain

magar uTha nahin sakta hai dil ja-e-firaq

labon pe jaan hai ab sadma-ha-e-duri se

KHabar visal ki deti hai ibtida-e-firaq

zaban band hai ye josh-e-gham ka aalam hai

bayan ho nahin sakta hai majra-e-firaq

karen jo zabt kaleja sarahiye un ka

ki aasman ko bulate hain nala-ha-e-firaq

juda 'hafiz' hua kaun tere pahlu se

labon par aaTh-pahr hai jo hae hae firaq