kuchh bhi manzil se nahin lae hum

kuchh bhī manzil se nahīñ laa.e ham

apne hisse kā bhaTak aa.e ham

jab ta'alluq pe chalī baat kabhī

be-ta'alluq se nazar aa.e ham

ḳhush-numā yādeñ hī kitnī sī thiiñ

un ko bhī yaad na rakh paa.e ham

yahī honā thā hamārā anjām

apne hī paañv tale aa.e ham

vahī to ho ga.e dushman ik din

jin kī bātoñ meñ nahīñ aa.e ham

kuchh bhi manzil se nahin lae hum

apne hisse ka bhaTak aae hum

jab ta'alluq pe chali baat kabhi

be-ta'alluq se nazar aae hum

KHush-numa yaaden hi kitni si thin

un ko bhi yaad na rakh pae hum

yahi hona tha hamara anjam

apne hi panw tale aae hum

wahi to ho gae dushman ek din

jin ki baaton mein nahin aae hum