kuchh charaghon ki mezbani hai

kuchh charāġhoñ kī mezbānī hai

aur bātin meñ nauha-ḳhvānī hai

har kisī par bahā nahīñ saktā

ashk hai aur ḳhāndānī hai

tez jhakkaḌ bujhā na pā.eñge

ye charāġhoñ kī ḳhush-gumānī hai

kis jazīre pe aa gayā huuñ maiñ

saañs lenā jahāñ girānī hai

aa.e mujh se duā.eñ le jaa.e

jis ne dil kī murād paanī hai

kār-e-duniyā meñ ġharq mat honā

ye kahānī hai aur faanī hai

raushnī kā maiñ dil dukhā na sakā

sab charāġhoñ kī baat maanī hai

ye zamīñ par jo husn dikhtā hai

ham faqīroñ kī mehrbānī hai

maiñ harā ho nahīñ sakā 'jāmī'

kis qadar bāñjh zindagānī hai

kuchh charaghon ki mezbani hai

aur baatin mein nauha-KHwani hai

har kisi par baha nahin sakta

ashk hai aur KHandani hai

tez jhakkaD bujha na paenge

ye charaghon ki KHush-gumani hai

kis jazire pe aa gaya hun main

sans lena jahan girani hai

aae mujh se duaen le jae

jis ne dil ki murad pani hai

kar-e-duniya mein gharq mat hona

ye kahani hai aur fani hai

raushni ka main dil dukha na saka

sab charaghon ki baat mani hai

ye zamin par jo husn dikhta hai

hum faqiron ki mehrbani hai

main hara ho nahin saka 'jami'

kis qadar banjh zindagani hai