kuchh hamein chhuT bhi mil jae KHurafat ki ab
kuchh hameñ chhūT bhī mil jaa.e ḳhurāfāt kī ab
ham jo mā'mūr haiñ tā.īd pe har baat kī ab
apnī masrūfiyat aap aur baḌhāte jaa.eñ
ham to 'arzī liye jaate haiñ mulāqāt kī ab
hijr kā chāñd zarūrat se ziyāda raushan
raunaqeñ aise baḌhāoge mirī raat kī ab
naach kar thak chuke sab tere ḳharīde hue mor
jhūTh kī fasl ko ummīd hai barsāt kī ab
'adl kyā milnā hai kashkol bachā rah jaa.e
sirf zanjīr hilāte raho ḳhairāt kī ab
kuchh hamein chhuT bhi mil jae KHurafat ki ab
hum jo ma'mur hain taid pe har baat ki ab
apni masrufiyat aap aur baDhate jaen
hum to 'arzi liye jate hain mulaqat ki ab
hijr ka chand zarurat se ziyaada raushan
raunaqen aise baDhaoge meri raat ki ab
nach kar thak chuke sab tere KHaride hue mor
jhuTh ki fasl ko ummid hai barsat ki ab
'adl kya milna hai kashkol bacha rah jae
sirf zanjir hilate raho KHairaat ki ab
- Book : Aakhiri Ishq Sabse Pahle Kiya (Pg. 126)
- Author :Nomaan Shauque
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
