kyun na hon shad ki hum rahguzar mein hain abhi

Ambar Bahraichi

kyun na hon shad ki hum rahguzar mein hain abhi

Ambar Bahraichi

MORE BYAmbar Bahraichi

    kyuuñ na hoñ shaad ki ham rāhguzar meñ haiñ abhī

    dasht-e-be-sabz meñ aur dhuup nagar meñ haiñ abhī

    surḳh aazar mire zaḳhmoñ pe na ho yuuñ masrūr

    ka.ī shahpar mire TuuTe hue par meñ haiñ abhī

    in dhundalkoñ har ik chaal to shātir hai magar

    nuqra.ī naqsh mire dast-e-hunar meñ haiñ abhī

    umr bhar maiñ to rahā ḳhāna-badoshī meñ idhar

    kuchh kabūtar mire aslāf ke ghar meñ haiñ abhī

    ek muddat se koī sabz na ubhrā is meñ

    ghoñsle chiil ke be-barg shajar meñ haiñ abhī

    shahr dhuul fazā.eñ muqaddar meñ rahīñ

    aam ke bor magar merī nazar meñ haiñ abhī

    raakh ke Dher pe mātam na karo dekho bhī

    ka.ī shole kisī be-jān sharar meñ haiñ abhī

    ek sāhir kabhī guzrā thā idhar se 'amabar'

    jā-e-hairat ki sabhī us ke asar meñ haiñ abhī

    kyun na hon shad ki hum rahguzar mein hain abhi

    dasht-e-be-sabz mein aur dhup nagar mein hain abhi

    surKH aazar hi mere zaKHmon pe na ho yun masrur

    kai shahpar mere TuTe hue par mein hain abhi

    in dhundalkon ki har ek chaal to shatir hai magar

    nuqrai naqsh mere dast-e-hunar mein hain abhi

    umr bhar main to raha KHana-badoshi mein idhar

    kuchh kabutar mere aslaf ke ghar mein hain abhi

    ek muddat se koi sabz na ubhra is mein

    ghonsle chil ke be-barg shajar mein hain abhi

    shahr ki dhul fazaen hi muqaddar mein rahin

    aam ke bor magar meri nazar mein hain abhi

    rakh ke Dher pe matam na karo dekho bhi

    kai shole kisi be-jaan sharar mein hain abhi

    ek sahir kabhi guzra tha idhar se 'amabar'

    ja-e-hairat ki sabhi us ke asar mein hain abhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY