main badan ke abad-abaad ka bashinda hun

maiñ badan ke abad-ābād kā bāshinda huuñ

kal jo thā aaj bhī huuñ aur vahī ā.inda huuñ

bārish-e-maut se khil uThtī hai miTTī merī

isī miTTī ke karishme ke sabab zinda huuñ

'ishq kī aag ne ghar phūñk rakhā hai merā

aur isī ḳhaak lagī aag meñ tābinda huuñ

jism-dar-jism jo dariyā-e-tasalsul hai ravāñ

usī dariyā-e-tasalsul kā numā.inda huuñ

maut ke haath pe bai'at hai zarā sī ye hayāt

apnī bai'at se na ḳhā.if huuñ na sharminda huuñ

kā.enāt ek baḌe saaz kā be-ant āhang

maiñ bhī chhoTā sā is āhang kā sāzinda huuñ

ek ik bujhtī huī aañkh ko raushan karnā

'farhat-ehsās' maiñ ik ḳhvāb kā kārinda huuñ

main badan ke abad-abaad ka bashinda hun

kal jo tha aaj bhi hun aur wahi aainda hun

barish-e-maut se khil uThti hai miTTi meri

isi miTTi ke karishme ke sabab zinda hun

'ishq ki aag ne ghar phunk rakha hai mera

aur isi KHak lagi aag mein tabinda hun

jism-dar-jism jo dariya-e-tasalsul hai rawan

usi dariya-e-tasalsul ka numainda hun

maut ke hath pe bai'at hai zara si ye hayat

apni bai'at se na KHaif hun na sharminda hun

kaenat ek baDe saz ka be-ant aahang

main bhi chhoTa sa is aahang ka sazinda hun

ek ek bujhti hui aankh ko raushan karna

'farhat-ehsas' main ek KHwab ka karinda hun