main tishna tha mujhe sar-chashma-e-sarab diya
maiñ tishna thā mujhe sar-chashma-e-sarāb diyā
thake badan ko mire pattharoñ meñ daab diyā
jo dastaras meñ na thā merī vo milā mujh ko
bisāt-e-ḳhāk se bāhar jahān-e-ḳhvāb diyā
ajab karishma dikhāyā ba-yak qalam us ne
havā chalā.ī samundar ko naqsh-e-āb diyā
meñ raakh ho gayā dīvār-e-sañg takte hue
sunā savāl na us ne koī javāb diyā
tahī-ḳhazāna nafas thā bachā ke kyā rakhtā
na us ne pūchhā na maiñ ne kabhī hisāb diyā
phir ek naqsh kā nairañg 'zeb' bikhregā
mire ġhubār ko phir us ne pech-o-tāb diyā
main tishna tha mujhe sar-chashma-e-sarab diya
thake badan ko mere pattharon mein dab diya
jo dastaras mein na tha meri wo mila mujh ko
bisat-e-KHak se bahar jahan-e-KHwab diya
ajab karishma dikhaya ba-yak qalam us ne
hawa chalai samundar ko naqsh-e-ab diya
mein rakh ho gaya diwar-e-sang takte hue
suna sawal na us ne koi jawab diya
tahi-KHazana nafas tha bacha ke kya rakhta
na us ne puchha na main ne kabhi hisab diya
phir ek naqsh ka nairang 'zeb' bikhrega
mere ghubar ko phir us ne pech-o-tab diya
Source:
Zard Zarkhez (Pg. 18)
- Author: Zeb Ghauri
-
- Edition: 1976
- Publisher: Shab Khoon Kitab ghar, Alahabad
- Year of Publication: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
