mere dil ko wo but-e-dil-KHwah jo chahe kare

mere dil ko vo but-e-dil-ḳhvāh jo chāhe kare

ab to de Daalā use allāh jo chāhe kare

shaiḳh kī mantiq ho yā chashm-e-fusūñ-sāz-e-butāñ

sīdhā-sāda huuñ mujhe gumrāh jo chāhe kare

dekh kar pothī barahman kahte haiñ is 'ahd meñ

shādī to āsāñ nahīñ haañ byaah jo chāhe kare

ḳharch kī tafsīl pūchhūñgā na māñgūñgā hisāb

le le vo but kul mirī tanḳhvāh jo chāhe kare

achchhe achchhe phañs ga.e haiñ naukrī ke jaal meñ

sach ye hai afzūnī-e-tanḳhvāh jo chāhe kare

bā-asar honā to hai mauqūf dil ke rang par

josh meñ yuuñ aa ke 'akbar' aah jo chāhe kare

mere dil ko wo but-e-dil-KHwah jo chahe kare

ab to de Dala use allah jo chahe kare

shaiKH ki mantiq ho ya chashm-e-fusun-saz-e-butan

sidha-sada hun mujhe gumrah jo chahe kare

dekh kar pothi barahman kahte hain is 'ahd mein

shadi to aasan nahin han byah jo chahe kare

KHarch ki tafsil puchhunga na mangunga hisab

le le wo but kul meri tanKHwah jo chahe kare

achchhe achchhe phans gae hain naukri ke jal mein

sach ye hai afzuni-e-tanKHwah jo chahe kare

ba-asar hona to hai mauquf dil ke rang par

josh mein yun aa ke 'akbar' aah jo chahe kare