muddai KHush ki hai wo mard yagana paida

mudda.ī ḳhush ki hai vo mard yagāna paidā

aur hameñ chaah kare ham sā zamāna paidā

har fasāne meñ haqīqat kā koī shā.iba hai

har haqīqat se bil-āḳhir hai fasāna paidā

har javāñ-qalb kisī shoḳh-nazar kī zad meñ

ye vo naḳhchīr kare aap nishāna paidā

aañkh ke vasf se bhī husn numāyāñ hai magar

ishq ke dam se to hai ā.ina-ḳhāna paidā

ho muqaddar meñ agar husn-e-tabī.at kā sila

aap kar lete haiñ hālāt bahāna paidā

tā.ir-e-shauq-e-humā vo jo kare baal kushā

ho bayābān-e-laq-o-daq meñ ḳhazāna paidā

muddai KHush ki hai wo mard yagana paida

aur hamein chah kare hum sa zamana paida

har fasane mein haqiqat ka koi shaiba hai

har haqiqat se bil-aKHir hai fasana paida

har jawan-qalb kisi shoKH-nazar ki zad mein

ye wo naKHchir kare aap nishana paida

aankh ke wasf se bhi husn numayan hai magar

ishq ke dam se to hai aaina-KHana paida

ho muqaddar mein agar husn-e-tabiat ka sila

aap kar lete hain haalat bahana paida

tair-e-shauq-e-huma wo jo kare baal kusha

ho bayaban-e-laq-o-daq mein KHazana paida