mujh mein hai jo darwesh wo mar jae to achchha

mujh meñ hai jo darvesh vo mar jaa.e to achchhā

duniyā mujhe duniyā hī nazar aa.e to achchhā

dobāra kahīñ taaza na ho jaa.eñ mire zaḳhm

sote meñ tirā shahr guzar jaa.e to achchhā

bahlā.ūñgā kab tak maiñ use jhūTī chamak se

sone kā ye paanī bhī utar jaa.e to achchhā

hote haiñ baḌī 'umr ke apne bahut āzār

ye zaḳhm javānī meñ hī bhar jaa.e to achchhā

duniyā ke savālāt pe ḳhāmosh raheñ ham

donoñ hī ke ghar ek ḳhabar jaa.e to achchhā

vahshī ko vahāñ lā ke junūñ chhoḌ gayā hai

ghar jaa.e to achchhā nahīñ ghar jaa.e to achchhā

mujh mein hai jo darwesh wo mar jae to achchha

duniya mujhe duniya hi nazar aae to achchha

dobara kahin taza na ho jaen mere zaKHm

sote mein tera shahr guzar jae to achchha

bahlaunga kab tak main use jhuTi chamak se

sone ka ye pani bhi utar jae to achchha

hote hain baDi 'umr ke apne bahut aazar

ye zaKHm jawani mein hi bhar jae to achchha

duniya ke sawalat pe KHamosh rahen hum

donon hi ke ghar ek KHabar jae to achchha

wahshi ko wahan la ke junun chhoD gaya hai

ghar jae to achchha nahin ghar jae to achchha