aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujh pe har zulm rawa rakh ki main jo hun so hun

Anees Ansari

mujh pe har zulm rawa rakh ki main jo hun so hun

Anees Ansari

MORE BYAnees Ansari

    Interesting Fact

    31 August, Lucknow

    mujh pe har zulm ravā rakh ki maiñ jo huuñ so huuñ

    mujh ko apne se judā rakh ki maiñ jo huuñ so huuñ

    maiñ ki maslūb huuñ de mujh ko bhī zālim ḳhitāb

    sunnat-e-īsā jilā rakh ki maiñ jo huuñ so huuñ

    mere ghar meñ hai jo ġhāsib to nikālūñ ki nahīñ

    mujh pe ilzām-e-jafā rakh ki maiñ jo huuñ so huuñ

    tere maqtūl pe sargarm haiñ saare munsif

    merī lāshoñ ko uThā rakh ki maiñ jo huuñ so huuñ

    garm aahoñ pe hai ilzām ki huuñ sho.ala-nafas

    mujh ko phūñkoñ se bujhā rakh ki maiñ jo huuñ so huuñ

    kyuuñ sahīfoñ meñ likhā hai ki milegā insāf

    lafz-o-mānī na judā rakh ki maiñ jo huuñ so huuñ

    terī zambīl meñ har chaal purānī hai raqīb

    mujh ko apnoñ se laḌā rakh ki maiñ jo huuñ so huuñ

    apne virse se tirā qabza haTānā hai harīs

    naam dahshat ki balā rakh ki maiñ jo huuñ so huuñ

    maiñ ne āñkhoñ meñ jalā rakhā hai āzādī tel

    mat añdheroñ se Darā rakh ki maiñ jo huuñ so huuñ

    gar mirā haq na milegā to bigaḌ jā.egī baat

    apne pahlū se lagā rakh ki maiñ jo huuñ so huuñ

    karbalā rakh ke hathelī pe chalā huuñ ghar se

    bai.at-e-zulm haTā rakh ki maiñ jo huuñ so huuñ

    jab zamīnoñ meñ jaḌeñ haiñ to kidhar jā.ūñgā

    merī shāḳheñ na kaTā rakh ki maiñ jo huuñ so huuñ

    adl miTTī meñ ugte nahīñ dahshat ke babūl

    apnī miTTī ko safā rakh ki maiñ jo huuñ so huuñ

    band āñkhoñ se siyah-rū nazar aa.egā 'anīs'

    chashm-e-bīnā ko khulā rakh ki maiñ jo huuñ so huuñ

    mujh pe har zulm rawa rakh ki main jo hun so hun

    mujh ko apne se juda rakh ki main jo hun so hun

    main ki maslub hun de mujh ko bhi zalim ka KHitab

    sunnat-e-isa jila rakh ki main jo hun so hun

    mere ghar mein hai jo ghasib to nikalun ki nahin

    mujh pe ilzam-e-jafa rakh ki main jo hun so hun

    tere maqtul pe sargarm hain sare munsif

    meri lashon ko uTha rakh ki main jo hun so hun

    garm aahon pe hai ilzam ki hun shoala-nafas

    mujh ko phunkon se bujha rakh ki main jo hun so hun

    kyun sahifon mein likha hai ki milega insaf

    lafz-o-mani na juda rakh ki main jo hun so hun

    teri zambil mein har chaal purani hai raqib

    mujh ko apnon se laDa rakh ki main jo hun so hun

    apne wirse se tera qabza haTana hai haris

    nam dahshat ki bala rakh ki main jo hun so hun

    main ne aankhon mein jala rakha hai aazadi ka tel

    mat andheron se Dara rakh ki main jo hun so hun

    gar mera haq na milega to bigaD jaegi baat

    apne pahlu se laga rakh ki main jo hun so hun

    karbala rakh ke hatheli pe chala hun ghar se

    baiat-e-zulm haTa rakh ki main jo hun so hun

    jab zaminon mein jaDen hain to kidhar jaunga

    meri shaKHen na kaTa rakh ki main jo hun so hun

    adl ki miTTi mein ugte nahin dahshat ke babul

    apni miTTi ko safa rakh ki main jo hun so hun

    band aankhon se siyah-ru nazar aaega 'anis'

    chashm-e-bina ko khula rakh ki main jo hun so hun

    Source:

    Dard Abhi Mehfooz Nahin (Pg. 98)

    • Author: Anees Ansari
      • Edition: 2008
      • Publisher: Meyaar Publications, Delhi
      • Year of Publication: 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now