mujhse jo tu har gam pe yun bol raha hai

mujh se jo tū har gaam pe yuuñ bol rahā hai

dar-asl tirā jahl-e-darūñ bol rahā hai

maiñ huuñ tirī har baat kī tafsīl kā tālib

aur tū hai ki har baat pe huuñ bol rahā hai

ik fard hai mahbūs-e-fusūñ-sāzī-e-vahshat

ik shaḳhs ḳhirad ko bhī junūñ bol rahā hai

qātil ko mukāfāt-e-‘amal mil ke rahegī

maqtūl kā har qatra-e-ḳhūñ bol rahā hai

vo apne garebān meñ bhī jhāñk ke dekhe

jo aaj mujhe ḳhvār-o-zabūñ bol rahā hai

maiñ maslahatan aaj zarā chup jo huuñ 'sāqib'

ik shaḳhs yahāñ had se fuzūñ bol rahā hai

mujh se jo tu har gam pe yun bol raha hai

dar-asl tera jahl-e-darun bol raha hai

main hun teri har baat ki tafsil ka talib

aur tu hai ki har baat pe hun bol raha hai

ek fard hai mahbus-e-fusun-sazi-e-wahshat

ek shaKHs KHirad ko bhi junun bol raha hai

qatil ko mukafat-e-‘amal mil ke rahegi

maqtul ka har qatra-e-KHun bol raha hai

wo apne gareban mein bhi jhank ke dekhe

jo aaj mujhe KHwar-o-zabun bol raha hai

main maslahatan aaj zara chup jo hun 'saqib'

ek shaKHs yahan had se fuzun bol raha hai