aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na main dil ko ab har makan bechta hun

Nazeer Akbarabadi

na main dil ko ab har makan bechta hun

Nazeer Akbarabadi

MORE BYNazeer Akbarabadi

    na maiñ dil ko ab har makāñ bechtā huuñ

    koī ḳhūb-rū le to haañ bechtā huuñ

    vo mai jis ko sab bechte haiñ chhupā kar

    maiñ us mai ko yaaro 'ayāñ bechtā huuñ

    ye dil jis ko kahte haiñ arsh-e-ilāhī

    so us dil ko yaaro maiñ yaañ bechtā huuñ

    zarā merī himmat to dekho azīzo

    kahāñ hai jins aur kahāñ bechtā huuñ

    liye haath par dil ko phirtā huuñ yaaro

    koī mol leve to haañ bechtā huuñ

    vo kahtā hai koī beche to ham leñ

    to kahtā huuñ lo haañ miyāñ bechtā huuñ

    maiñ ek apne yūsuf ḳhātir azīzo

    ye hastī sab kārvāñ bechtā huuñ

    jo puurā ḳharīdār pā.ūñ to yaaro

    maiñ ye sab zamīn-o-zamāñ bechtā huuñ

    zamīñ āsmāñ arsh-o-kursī bhī kyā hai

    koī le to maiñ lā-makāñ bechtā huuñ

    jise mol lenā ho le le ḳhushī se

    maiñ is vaqt donoñ jahāñ bechtā huuñ

    bikī jins ḳhālī dukāñ rah ga.ī hai

    so ab is dukāñ ko bhī haañ bechtā huuñ

    mohabbat ke bāzār meñ ai 'nazīr' ab

    maiñ aajiz ġharīb apnī jaañ bechtā huuñ

    na main dil ko ab har makan bechta hun

    koi KHub-ru le to han bechta hun

    wo mai jis ko sab bechte hain chhupa kar

    main us mai ko yaro 'ayan bechta hun

    ye dil jis ko kahte hain arsh-e-ilahi

    so us dil ko yaro main yan bechta hun

    zara meri himmat to dekho azizo

    kahan ki hai jins aur kahan bechta hun

    liye hath par dil ko phirta hun yaro

    koi mol lewe to han bechta hun

    wo kahta hai ji koi beche to hum len

    to kahta hun lo han miyan bechta hun

    main ek apne yusuf ki KHatir azizo

    ye hasti ka sab karwan bechta hun

    jo pura KHaridar paun to yaro

    main ye sab zamin-o-zaman bechta hun

    zamin aasman arsh-o-kursi bhi kya hai

    koi le to main la-makan bechta hun

    jise mol lena ho le le KHushi se

    main is waqt donon jahan bechta hun

    biki jins KHali dukan rah gai hai

    so ab is dukan ko bhi han bechta hun

    mohabbat ke bazar mein ai 'nazir' ab

    main aajiz gharib apni jaan bechta hun

    RECITATIONS

    Fasih Akmal

    Fasih Akmal,

    Fasih Akmal

    na main dil ko ab har makan bechta hun Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now