نظر سرشار اس کی

نظر سرشار اس کی

فضا بیدار اس کی

بہت باتیں سنی ہیں

سر بازار اس کی

کہاں کٹتا مرا سر

مگر تلوار اس کی

میں چھوٹا سا نگینہ

بڑی بازار اس کی

ہوا اس کا تکلم

شفق دستار اس کی

سنی ہے میں نے آہٹ

ہزاروں بار اس کی

کہانی کہہ رہی ہے

نگاہ یار اس کی

نظر آئی وہ صورت

گری دیوار اس کی

فضا اک شبنمی سی

بدن کے پار اس کی

یہاں کیا میں نہیں ہوں

یہ سب پیکار اس کی

عجب حمد و ثنا ہے

سخن کے پار اس کی

دکھا دے کوئی اجملؔ

جھلک اک بار اس کی