nigah-e-awwalin ka hai taqaza dekhte rahna

nigāh-e-avvalīñ kā hai taqāzā dekhte rahnā

ki jis ko dekhnā us ko hamesha dekhte rahnā

na mujh ko niiñd aatī hai na dil se baat jaatī hai

ye kis ne kah diyā mujh se ki rasta dekhte rahnā

abhī achchhe nahīñ lagte junūñ ke pech-o-ḳham us ko

kabhī is rah se guzregī ye duniyā dekhte rahnā

diye kī lau na ban jaa.e tanāb-e-sarsarī us kī

maiñ dariyā kī taraf jaatā huuñ ḳhema dekhte rahnā

koī chehra hī mumkin hai tumhāre jī ko lag jaa.e

tamāshā dekhne vaalo tamāshā dekhte rahnā

ki ab to dekhne meñ bhī haiñ kuchh mahvīyateñ aisī

kahīñ patthar na kar Daale ye merā dekhte rahnā

sarishk-e-ḳhūñ kabhī mizhgāñ talak aayā nahīñ phir bhī

kināre aa lage shāyad ye dariyā dekhte rahnā

nigāh-e-sarsarī 'tābish' muhīt-e-husn kyā hogī

jahāñ tak dekhne kā ho taqāzā dekhte rahnā

nigah-e-awwalin ka hai taqaza dekhte rahna

ki jis ko dekhna us ko hamesha dekhte rahna

na mujh ko nind aati hai na dil se baat jati hai

ye kis ne kah diya mujh se ki rasta dekhte rahna

abhi achchhe nahin lagte junun ke pech-o-KHam us ko

kabhi is rah se guzregi ye duniya dekhte rahna

diye ki lau na ban jae tanab-e-sarsari us ki

main dariya ki taraf jata hun KHema dekhte rahna

koi chehra hi mumkin hai tumhaare ji ko lag jae

tamasha dekhne walo tamasha dekhte rahna

ki ab to dekhne mein bhi hain kuchh mahwiyaten aisi

kahin patthar na kar Dale ye mera dekhte rahna

sarishk-e-KHun kabhi mizhgan talak aaya nahin phir bhi

kinare aa lage shayad ye dariya dekhte rahna

nigah-e-sarsari 'tabish' muhit-e-husn kya hogi

jahan tak dekhne ka ho taqaza dekhte rahna