pi chuke the zahr-e-gham KHasta-jaan paDe the hum chain tha

pī chuke the zahr-e-ġham ḳhasta-jāñ paḌe the ham chain thā

phir kisī tamannā ne saañp kī tarah ham ko Das liyā

mere ghar tak aate hī kyuuñ judā huī tujh se kuchh batā

ek aur aahaT bhī saath saath thī tere, ai sabā

sar meñ jo bhī thā saudā uḌ gayā ḳhalāoñ meñ misl-e-gard

ham paḌe haiñ raste meñ nīm-jāñ shikasta-dil ḳhasta-pā

sab khaḌe the āñgan meñ aur mujh ko takte the, baar baar

ghar se jab maiñ niklā thā mujh ko rokne vaalā kaun thā

josh ghaTtā jaatā thā TūTte se jaate the hausle

aur sāmne 'bānī' dauḌtā sā jaatā thā rāstā

pi chuke the zahr-e-gham KHasta-jaan paDe the hum chain tha

phir kisi tamanna ne sanp ki tarah hum ko Das liya

mere ghar tak aate hi kyun juda hui tujh se kuchh bata

ek aur aahaT bhi sath sath thi tere, ai saba

sar mein jo bhi tha sauda uD gaya KHalaon mein misl-e-gard

hum paDe hain raste mein nim-jaan shikasta-dil KHasta-pa

sab khaDe the aangan mein aur mujh ko takte the, bar bar

ghar se jab main nikla tha mujh ko rokne wala kaun tha

josh ghaTta jata tha TuTte se jate the hausle

aur samne 'bani' dauDta sa jata tha rasta