qurbaton mein koi rahat na kisi duri mein

qurbatoñ meñ koī rāhat na kisī duurī meñ

jaan halkān huī 'ishq kī mazdūrī meñ

tujh se ab koī tavaqqo' nahīñ par baiThe haiñ

ham tire sāya-e-dīvār kī majbūrī meñ

ek bīmār tamanna kā sahārā le kar

tujh talak chalte hue aa.e haiñ mā’zūrī meñ

dekhne vāloñ ne yak-jān samajh rakkhā thā

aur ham saath nibhāte rahe majbūrī meñ

tum ne is baat kī gar us se ijāzat chāhī

'umr lag jā.egī is baat kī majbūrī meñ

in dinoñ shahr kī kuchh aisī fazā hai ki 'jamāl'

ghar se jaate haiñ nikal kar baḌī majbūrī meñ

qurbaton mein koi rahat na kisi duri mein

jaan halkan hui 'ishq ki mazduri mein

tujh se ab koi tawaqqo' nahin par baiThe hain

hum tere saya-e-diwar ki majburi mein

ek bimar tamanna ka sahaara le kar

tujh talak chalte hue aae hain ma’zuri mein

dekhne walon ne yak-jaan samajh rakkha tha

aur hum sath nibhate rahe majburi mein

tum ne is baat ki gar us se ijazat chahi

'umr lag jaegi is baat ki majburi mein

in dinon shahr ki kuchh aisi faza hai ki 'jamal'

ghar se jate hain nikal kar baDi majburi mein