رہ گزر رہ گزر سے پوچھ لیا
رہ گزر رہ گزر سے پوچھ لیا
تیرا گھر سب کے گھر سے پوچھ لیا
جو زباں سے نہ کر سکے وہ بیاں
ہم نے ان کی نظر سے پوچھ لیا
گمرہی اور بڑھ گئی اپنی
راستہ راہبر سے پوچھ لیا
جب زمیں نے دیا نہ تیرا پتا
ہم نے شمس و قمر سے پوچھ لیا
تم نہ آؤ نہ آئے گی رونق
ہم نے دیوار و در سے پوچھ لیا
میری چپ کو وہ کیا سمجھتے ہیں
راز جب چشم تر سے پوچھ لیا
علم کا راز عرشؔ بس یہ ہے
کچھ ادھر کچھ ادھر سے پوچھ لیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
