ratjage mein bhi ek KHumari hai
ratjage meñ bhī ik ḳhumārī hai
ḳhvāb halkā hai niiñd bhārī hai
dekho kis kā nasīb badlegā
saañp ne keñchulī utārī hai
hosh-mandoñ ke is ḳharābe meñ
ham dīvānoñ kā raqs jaarī hai
ab use kaun dekh saktā hai
ham ne us kī nazar utārī hai
ḳhvāb kā daam ham lagā.eñge
umr ik jāgte guzārī hai
ab to shādī kī fikr hai us kī
ek guḌiyā se ishq jaarī hai
ye junūñ Thiik hai magar 'vāhid'
hosh kī apnī zimmedārī hai
ratjage mein bhi ek KHumari hai
KHwab halka hai nind bhaari hai
dekho kis ka nasib badlega
sanp ne kenchuli utari hai
hosh-mandon ke is KHarabe mein
hum diwanon ka raqs jari hai
ab use kaun dekh sakta hai
hum ne us ki nazar utari hai
KHwab ka dam hum lagaenge
umr ek jagte guzari hai
ab to shadi ki fikr hai us ki
ek guDiya se ishq jari hai
ye junun Thik hai magar 'wahid'
hosh ki apni zimmedari hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
