rawan rahta hai kis ki mauj mein din raat tu pani
rawan rahta hai kis ki mauj mein din raat tu pani
Muztar Khairabadi
MORE BYMuztar Khairabadi
ravāñ rahtā hai kis kī mauj meñ din raat tū paanī
tujhe kis gauhar-e-nāyāb kī hai justujū paanī
vahī mere liye saaqī mai-e-gulfām ban jaa.e
jo apne dast-e-nāzuk se pilā de mujh ko tū paanī
agar dariyā meñ tum dast-e-hinā.ī apne dho lete
to ab tak ho gayā hotā kabhī kā suraḳh-rū paanī
kiyā karte the baḌh baḌh kar bahut bāteñ safā.ī kī
mire ashkoñ ne kar dī motiyoñ kī aabrū paanī
bahut āsān hai muztar zalīl-o-ḳhvār ho jaanā
jo mushkil hai to chashm-e-ḳhalq meñ kuchh aabrū paanī
rawan rahta hai kis ki mauj mein din raat tu pani
tujhe kis gauhar-e-nayab ki hai justuju pani
wahi mere liye saqi mai-e-gulfam ban jae
jo apne dast-e-nazuk se pila de mujh ko tu pani
agar dariya mein tum dast-e-hinai apne dho lete
to ab tak ho gaya hota kabhi ka suraKH-ru pani
kiya karte the baDh baDh kar bahut baaten safai ki
mere ashkon ne kar di motiyon ki aabru pani
bahut aasan hai muztar zalil-o-KHwar ho jaana
jo mushkil hai to chashm-e-KHalq mein kuchh aabru pani
- Book : Khirman (Part-11) (Pg. 17)
- Author : Javed Akhtar
- Publication : Javed Akhtar (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.