sab kuchh KHak hua hai lekin chehra kya nurani hai

sab kuchh ḳhaak huā hai lekin chehra kyā nūrānī hai

patthar nīche baiTh gayā hai uupar bahtā paanī hai

bachpan se merī aadat hai phuul chhupā kar rakhtā huuñ

hāthoñ par jaltā sūraj hai dil meñ raat kī raanī hai

dafn hue rātoñ ke qisse ik chhat kī ḳhāmoshī meñ

sannāToñ kī chādar oḌhe ye dīvār purānī hai

us ko pā kar itrāoge kho kar jaan gañvā doge

bādal kā saaya hai duniyā har shai ānī-jānī hai

dil apnā ik chāñd-nagar hai achchhī sūrat vāloñ kā

shahr meñ aa kar shāyad ham ko ye jāgīr gañvānī hai

tere badan par maiñ phūloñ se us lamhe kā naam likhūñ

jis lamhe kā maiñ afsāna tū bhī ek kahānī hai

sab kuchh KHak hua hai lekin chehra kya nurani hai

patthar niche baiTh gaya hai upar bahta pani hai

bachpan se meri aadat hai phul chhupa kar rakhta hun

hathon par jalta suraj hai dil mein raat ki rani hai

dafn hue raaton ke qisse ek chhat ki KHamoshi mein

sannaTon ki chadar oDhe ye diwar purani hai

us ko pa kar itraoge kho kar jaan ganwa doge

baadal ka saya hai duniya har shai aani-jaani hai

dil apna ek chand-nagar hai achchhi surat walon ka

shahr mein aa kar shayad hum ko ye jagir ganwani hai

tere badan par main phulon se us lamhe ka nam likhun

jis lamhe ka main afsana tu bhi ek kahani hai