sabhi se in dinon ruTha hua sa lagta hun

sabhī se in dinoñ rūThā huā sā lagtā huuñ

maiñ apne aap ko ab bevafā sā lagtā huuñ

tamām raat maiñ girtī huī havelī meñ

diloñ se niklī huī badduā sā lagtā huuñ

maiñ vo ḳhazāna huuñ haqdār jis kī duniyā hai

hazār hissoñ meñ bāñTā huā sā lagtā huuñ

mirī talāsh ba-dastūr ab bhī jaarī hai

vo mil gayā hai maiñ khoyā huā sā lagtā huuñ

mirī hañsī se udāsī ke phuul khilte haiñ

maiñ sab ke saath huuñ lekin judā sā lagtā huuñ

chamak rahā thā ye chehra kisī kī āñkhoñ meñ

maiñ aa.ine meñ koī dūsrā sā lagtā huuñ

tamām raat barastī hai ret par shabnam

maiñ apne chāñd se jab bhī ḳhafā sā lagtā huuñ

sabhi se in dinon ruTha hua sa lagta hun

main apne aap ko ab bewafa sa lagta hun

tamam raat main girti hui haweli mein

dilon se nikli hui baddua sa lagta hun

main wo KHazana hun haqdar jis ki duniya hai

hazar hisson mein banTa hua sa lagta hun

meri talash ba-dastur ab bhi jari hai

wo mil gaya hai main khoya hua sa lagta hun

meri hansi se udasi ke phul khilte hain

main sab ke sath hun lekin juda sa lagta hun

chamak raha tha ye chehra kisi ki aankhon mein

main aaine mein koi dusra sa lagta hun

tamam raat barasti hai ret par shabnam

main apne chand se jab bhi KHafa sa lagta hun