aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

subh chaman mein jaana mera aur faza mein bikhar jaana

Zeb Ghauri

subh chaman mein jaana mera aur faza mein bikhar jaana

Zeb Ghauri

MORE BYZeb Ghauri

    sub.h chaman meñ jaanā merā aur fazā meñ bikhar jaanā

    shāḳh-e-gul ke saath lachaknā sabā ke saath guzar jaanā

    sehr-bharī do āñkheñ merā pīchhā kartī rahtī haiñ

    nāgin vo muḌ kar dekhnā phir vaadī meñ utar jaanā

    zaḳhm terā muqaddar haiñ dil tujh ko kaun sambhālegā

    ai mere bachpan ke sāthī mere saath mar jaanā

    sūraj in āḳhirī maddham kirnoñ ko gin sakte haiñ

    din vo motī chamaknā phir paanī meñ utar jaanā

    yahīñ kahīñ sahrā meñ Thahar dam lene baat nahīñ

    ḳhaak sivā rakkhā kyā hai yahāñ se aur kidhar jaanā

    us se ab dasht-e-imkāñ ke safar-hazar pūchhnā kyā

    jis ne rāhguzar ke ghane peḌoñ ko bhī dard-e-sar jaanā

    ek nihāñ-ḳhāne ke taaq par ā.īna rakkhā thā 'zeb'

    ek jhalak apnī dekhnā aur vo merā Dar jaanā

    subh chaman mein jaana mera aur faza mein bikhar jaana

    shaKH-e-gul ke sath lachakna saba ke sath guzar jaana

    sehr-bhari do aankhen mera pichha karti rahti hain

    nagin ka wo muD kar dekhna phir wadi mein utar jaana

    zaKHm hi tera muqaddar hain dil tujh ko kaun sambhaalega

    ai mere bachpan ke sathi mere sath hi mar jaana

    suraj ki in aaKHiri maddham kirnon ko gin sakte hain

    din ka wo moti sa chamakna phir pani mein utar jaana

    yahin kahin sahra mein Thahar ja dam lene ki baat nahin

    KHak siwa rakkha hi kya hai yahan se aur kidhar jaana

    us se ab dasht-e-imkan ke safar-hazar ka puchhna kya

    jis ne rahguzar ke ghane peDon ko bhi dard-e-sar jaana

    ek nihan-KHane ke taq par aaina rakkha tha 'zeb'

    ek jhalak si apni dekhna aur wo mera Dar jaana

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now