shahr viran udas hain galiyan

shahr vīrāñ udaas haiñ galiyāñ

rahguzāroñ se uTh rahā hai dhuāñ

ātish-e-ġham meñ jal rahe haiñ dayār

gard-ālūd hai ruḳh-e-daurāñ

bastiyoñ par ġhamoñ kī yūrish hai

qarya qarya hai vaqf-e-āh-o-fuġhāñ

sub.h be-nūr shaam be-māya

luT ga.ī daulat-e-nigāh kahāñ

phir rahe haiñ tuyūr āvāra

barq har shāḳh par hai shoa.la-fishāñ

merī tanhā.iyoñ pe sūrat-e-sham.a

ro rahā hai alam-nasīb samāñ

mere shānoñ se terī zulfoñ tak

fāsla umr kā hai merī jaañ

shahr viran udas hain galiyan

rahguzaron se uTh raha hai dhuan

aatish-e-gham mein jal rahe hain dayar

gard-alud hai ruKH-e-dauran

bastiyon par ghamon ki yurish hai

qarya qarya hai waqf-e-ah-o-fughan

subh be-nur sham be-maya

luT gai daulat-e-nigah kahan

phir rahe hain tuyur aawara

barq har shaKH par hai shoala-fishan

meri tanhaiyon pe surat-e-shama

ro raha hai alam-nasib saman

mere shanon se teri zulfon tak

fasla umr ka hai meri jaan