sharab jaisi hain uski aankhen hai us ka chehra kitab jaisa

sharāb jaisī haiñ us kī āñkheñ hai us kā chehra kitāb jaisā

bahār us kī hasīñ tabassum vo ik shagufta gulāb jaisā

vo zauq-e-pinhāñ vo sab se vāhid vo ek 'izzat-ma.āb jaisā

vo rang-e-mahfil vo nau-bahārāñ vo naḳh-ba-naḳh hai navāb jaisā

udaas dil kī hai sarḳhushī vo hai zindagī ke savāb jaisā

vo merī banjar sī dil-zamīñ par barastā hai kuchh sahāb jaisā

kabhī lage māhtāb mujh ko kabhī lage āftāb jaisā

haqīqatoñ kī to baat chhoḌo vo ḳhvāb meñ bhī hai ḳhvāb jaisā

usī se she'r-o-suḳhan haiñ mere usī se taḳhlīq merī saarī

vo aks-e-rū hai mirī ġhazal kā mire tasavvur ke baab jaisā

sharab jaisi hain us ki aankhen hai us ka chehra kitab jaisa

bahaar us ki hasin tabassum wo ek shagufta gulab jaisa

wo zauq-e-pinhan wo sab se wahid wo ek 'izzat-maab jaisa

wo rang-e-mahfil wo nau-bahaaran wo naKH-ba-naKH hai nawab jaisa

udas dil ki hai sarKHushi wo hai zindagi ke sawab jaisa

wo meri banjar si dil-zamin par barasta hai kuchh sahab jaisa

kabhi lage mahtab mujh ko kabhi lage aaftab jaisa

haqiqaton ki to baat chhoDo wo KHwab mein bhi hai KHwab jaisa

usi se she'r-o-suKHan hain mere usi se taKHliq meri sari

wo aks-e-ru hai meri ghazal ka mere tasawwur ke bab jaisa