shikwa-e-dard-e-jigar ai mehrban kyun kar karen

shikva-e-dard-e-jigar ai mehrbāñ kyuuñ kar kareñ

aap sun kyuuñ kar sakeñ aur ham bayāñ kyuuñ kar kareñ

apnī biitī phir sunā.eñge kabhī ai mehrbāñ

shab kī shab meñ ḳhatm saarī dāstāñ kyuuñ kar kareñ

saikḌoñ hī fitna-e-ḳhvābīda jaag uTTheñge phir

niiñd se chauñkā ke un ko sargirāñ kyuuñ kar kareñ

phir gayā talvār kā muñh tham ga.e bāzū-e-dost

kyuuñ ajal is kī talāfī saḳht-jāñ kyuuñ kar kareñ

aatī hai pichhle pahar bas dil dhaḌakne kī sadā

rāz-dārān-e-vafā āh-o-fuġhāñ kyuuñ kar kareñ

phāñdnā dīvār-e-jannat kā to āsāñ hai magar

aap ke dil meñ jagah ai mehrbāñ kyuuñ kar kareñ

inqilāb-e-dahr ne āñkhoñ ko andhā kar diyā

āḳhir ab nazzāra-e-fasl-e-ḳhizāñ kyuuñ kar kareñ

nā-tavānī kā burā ho aah kar sakte nahīñ

kyuuñ falak ab jazb-e-dil kā imtihāñ kyuuñ kar kareñ

is tilism-e-dahr meñ sar bhī uThā sakte nahīñ

kashmakash meñ sair-e-nairañg-e-jahāñ kyuuñ kar kareñ

sar paTakte haiñ abas naqsh-e-qadam par der se

ābla-pā justajū-e-kārvāñ kyuuñ kar kareñ

hosh meñ phir kaun thā jab dard kā sāġhar chalā

āḳhir-e-shab kī vo kaifiyyat bayāñ kyuuñ kar kareñ

haath phailāyā na jā.egā bharī mahfil meñ aaj

sabr kī daulat ko saaqī rā.egāñ kyuuñ kar kareñ

jhuum kar uThte haiñ lekin phir sambhal jaate haiñ mast

sāmnā saaqī kā hai gustāḳhiyāñ kyuuñ kar kareñ

phāḌe khātī hai hameñ ye malgajī poshāk meñ

jāma-e-tan kī batāo dhajjiyāñ kyuuñ kar kareñ

shikwa-e-dard-e-jigar ai mehrban kyun kar karen

aap sun kyun kar saken aur hum bayan kyun kar karen

apni biti phir sunaenge kabhi ai mehrban

shab ki shab mein KHatm sari dastan kyun kar karen

saikDon hi fitna-e-KHwabida jag uTThenge phir

nind se chaunka ke un ko sargiran kyun kar karen

phir gaya talwar ka munh tham gae bazu-e-dost

kyun ajal is ki talafi saKHt-jaan kyun kar karen

aati hai pichhle pahar bas dil dhaDakne ki sada

raaz-daran-e-wafa aah-o-fughan kyun kar karen

phandna diwar-e-jannat ka to aasan hai magar

aap ke dil mein jagah ai mehrban kyun kar karen

inqilab-e-dahr ne aankhon ko andha kar diya

aaKHir ab nazzara-e-fasl-e-KHizan kyun kar karen

na-tawani ka bura ho aah kar sakte nahin

kyun falak ab jazb-e-dil ka imtihan kyun kar karen

is tilism-e-dahr mein sar bhi uTha sakte nahin

kashmakash mein sair-e-nairang-e-jahan kyun kar karen

sar paTakte hain abas naqsh-e-qadam par der se

aabla-pa justaju-e-karwan kyun kar karen

hosh mein phir kaun tha jab dard ka saghar chala

aaKHir-e-shab ki wo kaifiyyat bayan kyun kar karen

hath phailaya na jaega bhari mahfil mein aaj

sabr ki daulat ko saqi raegan kyun kar karen

jhum kar uThte hain lekin phir sambhal jate hain mast

samna saqi ka hai gustaKHiyan kyun kar karen

phaDe khati hai hamein ye malgaji poshak mein

jama-e-tan ki batao dhajjiyan kyun kar karen